Belçikanın paytaxtı Brüsseldə keçirilən beynəlxalq çay festivalında ("Brussels Tea Festival 2026") Azərbaycan çay mədəniyyəti təqdim olunub.

"Report"un Avropa bürosu xəbər verir ki, Azərbaycanı ölkənin Brüsseldəki səfirliyinin dəstəyi ilə "Fireland" birliyi təmsil edib.

"Fireland Azərbaycanlılar Birliyi"nin stendi ziyarətçilərin böyük marağına səbəb olub. Qonaqlara ənənəvi Azərbaycan çay süfrəsi nümayiş etdirilib, yerli çayın müxtəlif növləri, milli şirniyyatlar və mürəbbələr təqdim olunub. Bundan əlavə, qonaqlara çay mədəniyyətinin Azərbaycanın məişətində və ictimai həyatındakı rolu barədə məlumat verilib. Sərgi ilə tanış olmaqla yanaşı, arzu edənlər Azərbaycan çayını şirniyyatlarla birgə dada biliblər.

Ümumilikdə festivalda 46 sərgi iştirakçısı təmsil olunub: Belçika, Niderland, Fransa, Yaponiya, Çin, Tayvan, Hindistan, Cənubi Koreya, Almaniya, Çexiya və Şri-Lankadan olan çay evləri və istehsalçıları, keramika ustaları, eləcə də çay sənayesi, mədəniyyətinin digər istiqamətlərinin nümayəndələri.

Festivalın proqramına dequstasiyalar, seminarlar, müzakirələr, ustad dərsləri və çay mərasimləri daxil idi.

Oxşar xəbərlər

Ramana Qəsri yenidən qapılarını ziyarətçilərin üzünə açdı

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar