Türkiyənin İğdır şəhərində yerli Valilik və Azərbaycanın Qarsdakı Baş Konsulluğunun dəstəyi ilə Azərbaycan İncəsənət Həftəsi keçirilib.

Bu barədə "Report"un Türkiyə bürosuna Azərbaycanın Ankaradakı səfirliyinin nəzdində fəaliyyət göstərən Mədəniyyət Mərkəzindən məlumat verilib.

Tədbirdə İğdır valisi Fırat Taşolar, Azərbaycanın Qarsdakı Baş konsulu Qoşqar Zeynalov, Azərbaycan Mədəniyyət Mərkəzinin direktoru Samir Abbasov, rəsmi şəxslər, mədəniyyət xadimləri, ictimaiyyət nümayəndələri iştirak ediblər.

Azərbaycan mədəniyyətinin, milli musiqi və incəsənətinin Türkiyədə tanıdılması məqsədi daşıyan tədbirdə ölkənin zəngin mədəni irsi, incəsənət ustalarının ifasında musiqi və rəqs sənəti, həmçinin İğdır Universiteti tələbələrinin iştirakı ilə müasir ornamentli milli və ənənəvi geyimlər təqdim olunub.

Konsertdə çıxış edən Azərbaycanın və Özbəkistanın Xalq artisti Gülyanaq Məmmədova, vokalistlər İlkin Dövlətov və Elgün Quliyevin ifaları, "Zəngəzur" Rəqs Ansamblının ifaları coşqu ilə qarşılanıb.

Oxşar xəbərlər

Mehriban Əliyeva Bişkekdə dekorativ-tətbiqi sənət ustalarının əl işlərindən ibarət sərgi ilə tanış olub

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycanın Təbrizdəki konsulu Ramil İmranov Göyçayda dəfn olunub

Din xadimləri Qarabağ və Şərqi Zəngəzurdakı tarixi-dini abidələri ziyarət ediblər