"Nəsimi rayonunda qəzalı vəziyyətdə olan və istismar müddətini başa vurmuş 30-a yaxın yaşayış binasının sökülməsi nəzərdə tutulur".

Far.Az-in məlumatına görə, bunu Azərbaycan Qiymətləndiricilər Cəmiyyətinin (AQC) sədri Vüqar Oruc açıqlayıb.

Onun sözlərinə görə, söküntü işləri əsasən Səməd Vurğun, Bülbül, Şamil Əzizbəyov, Mirzə İbrahimov, Cəlil Məmmədquluzadə və Sabit Rəhman küçələrini əhatə edəcək:

"Sökülməsi planlaşdırılan binaların texniki vəziyyəti ilə bağlı aidiyyəti dövlət qurumları tərəfindən müvafiq aktlar tərtib edilib. Həmin sənədlərdə binaların qəzalı vəziyyətdə olduğu və orada yaşamağın sakinlərin təhlükəsizliyi baxımından risk yaratdığı qeyd olunub.

Ərazilərdə həyata keçiriləcək işlər söküntü ilə məhdudlaşmayacaq. Bəzi sahələrdə dövlət vəsaiti hesabına abadlıq işlərinin aparılması, parkların salınması və yol infrastrukturunun yaxşılaşdırılması nəzərdə tutulur. İnvestisiya layihələrinin həyata keçiriləcəyi ərazilərdə isə köhnə binaların yerində yeni yaşayış binaları inşa ediləcək.

İnvestor hesabına söküləcək binaların sakinlərinə yeni mənzillər təqdim olunması planlaşdırılır. Tikinti müddətində vətəndaşların kirayə xərclərinin qarşılanması üçün kompensasiya ödənilməsi nəzərdə tutulur. Yeni binalar hazır olduqdan sonra sakinlərə həmin binalarda mənzillər veriləcək".

Aqc sdəri əlavə edib ki, kompensasiyanın məbləği ərazinin yerləşməsindən, daşınmaz əmlakın dəyərindən və layihənin şərtlərindən asılı olacaq:

"İlkin qiymətləndirmələrə əsasən, bəzi ərazilərdə kompensasiyanın məbləğinin hər kvadratmetr üçün təxminən 2 000-3 000 manat civarında olması gözlənilir. Daha az mərkəzi ərazilərdə və yeni yaşayış binasının tikintisi üçün əlverişli hesab edilməyən sahələrdə isə məbləğin təxminən 2 000-2 500 manat arasında dəyişir. Bununla belə, konkret rəqəmlər bəzi ünvanlar üzrə qiymətləndirmə işləri aparıldıqdan sonra müəyyənləşdiriləcək.

Digər diqqətçəkən məsələ Nəsimi rayonunda, Mirəli Qaşqay 34 ünvanında yerləşən və 50-dən çox ailənin yaşadığı məcburi köçkünlərə aid evlərlə bağlıdır. Həmin ərazi üzrə sənədləşmə və inventarizasiya işləri aparılıb, prosesə başlanılıb".

Orxan Hüseyn

Oxşar xəbərlər

İlham Əliyev Səməd Vurğun adına Yaradıcılıq Evinin açılışında iştirak edib

Azərbaycanlı məşhurlar Ramazanda oruc tutacaqlar?

Şəhid olmuş bir qrup hərbi qulluqçu və mülki işçi ölümündən sonra təltif olunub

"Abşeron" sağlamlıq və istirahət mərkəzinin ərazisində abadlıq və yaşıllığın qorunması aksiyası keçirilib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib