Azərbaycan millisinin sabiq hücumçusu: "İsveçlə heç-heçə bizim üçün böyük nəticə sayılacaq"
Səfərdə heç-heçə bizim üçün böyük nəticə sayılacaq.
Bunu “Report”a açıqlamasında Azərbaycan yığmasının sabiq hücumçusu Rauf Əliyev deyib.
O, Millətlər Liqasında İsveçə qarşı səfər matçında qələbə qazanmağın çox çətin olduğunu vurğulayıb:
“Estoniyaya iki oyunda qalib gələ bilmədik. Halbuki qarşımızda zəif rəqib var idi. Buna baxmayaraq, qol vurmaqda çətinlik çəkdik. Meydana çıxan futbolçularda istək yox idi. D Liqasına düşəcəyiksə, bu, vəziyyətin nə dərəcədə pis olmasının göstəricisidir. İsveçlə oyunda qələbə qazanmaq çox çətindir. Səfərdə heç-heçə bizim üçün böyük nəticə sayılacaq. Problemlər məlumdur, zəifik, istəksizik”.
Hazırda "Qarabağ"ın U-15 komandasına rəhbərlik edən R.Əliyev yığmanın portuqaliyalı baş məşqçisi Fernandu Santuşun işini qiymətləndirib:
“Onun komandaya hansısa oyun üslubu gətirdiyini görmürəm. Ümumiyyətlə, Santuş gəlməmişdən əvvəl də fikrim bu idi ki, yığmanı gənc, istəkli və müasir futbola daha yaxın yerli məşqçiyə tapşırmaq lazımdır. Neçə illərdir əcnəbi mütəxəssisin rəhbərliyi altında oynamasına baxmayaraq, komanda uğura nail olmayıb. Yerliləri də yoxlamaq olardı, amma əcnəbiyə üstünlük verdilər. D Liqasına yuvarlanmağa yaxın olmağımız elə bunun cavabıdır”.
Qeyd edək ki, İsveç - Azərbaycan matçı Solna şəhərindəki “Stroberri Arena”da, Bakı vaxtı ilə saat 23:45-də başlayacaq.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Samir Əliyev: “U-21-in baş məşqçi postundan ayrılmaqla bağlı qərarımı son iki oyundan əvvəl vermişdim” - MÜSAHİBƏ
Fernandu Santuş: Bizim üçün əsas olan Azərbaycan bayrağı üçün oynamaqdır
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
Muxtar Babayev: Azərbaycan və Türkiyə Cəbrayılda Meşə Təlim Mərkəzi yaradıb
-
Muxtar Babayev: İqlim maliyyəsi üçün yeni mexanizmlərin yaradılması vacibdir
-
Ronaldonun oğlu Portuqaliya millisində – Atasının yolunu davam etdirə biləcək?
-
Azərbaycanda daha bir həkim vəfat etdi













