"Bakı Metropoliteni" QSC-də yeni kadr təyinatları olub.

Far.Az oxu.az-a istinadən xəbər verir ki, Zaur Nağıyev qurumun İdarə Heyəti sədrinin müavini, İlham Axundov və Kənan Cəfərov isə sədrin müşavirləri vəzifələrinə təyin ediliblər.

Fotoda Zaur Nağıyev

Zaur Nağıyev Prezident İlham Əliyevin müvafiq sərəncamı ilə İdarə Heyəti sədrinin müavini təyin olunub.

1982-ci il təvəllüdlü Z.Nağıyev Bakı Dövlət Universitetində hüquqşünaslıq, ADA Universiteti və Maastrixt İdarəçilik Məktəbinin birgə proqramında isə biznesin idarə edilməsi üzrə təhsil alıb. Müxtəlif illərdə BMT təşkilatlarında, SOCAR-da və "Azərbaycan Xəzər Dəniz Gəmiçiliyi" QSC-də çalışıb. 2022-ci ildən sonuncu qurumun İdarə Heyəti sədrinin müavini olub.

Fotoda İlham Axundov

1970-ci il təvəllüdlü İlham Axundov Azərbaycan Texniki Universitetinin məzunudur. O, "Kapital Bank", Azərbaycan Beynəlxalq Bankı, AZAL və digər qurumlarda rəhbər vəzifələrdə çalışıb. 2023-2026-cı illərdə "Azərbaycan Dəmir Yolları" QSC-də sədrin müşaviri olub.

Fotoda Kənan Cəfərov

1984-cü il təvəllüdlü Kənan Cəfərov Azərbaycan Dövlət İqtisad Universitetində maliyyə-kredit, həmçinin dövlət və bələdiyyə idarəetməsi üzrə təhsil alıb. O, Azərbaycan Avtomobil Yolları Dövlət Agentliyində və "Azərbaycan Dəmir Yolları" QSC-də müxtəlif vəzifələrdə çalışıb. 2024-2026-cı illərdə "Vadi Baku" QSC-nin icraçı direktoru olub.

Qeyd edək ki, təyinatlarla bağlı ilkin məlumatı Ölkə.az yayıb.

Oxşar xəbərlər

Nazir bu müəllimləri təltif edildi - ADLAR

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident Ərəb Koordinasiya Qrupuna üzv qurumların rəhbər şəxslərini qəbul edib

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib