Azərbaycanda 9 ayda 500 nəfər yol qəzasında ölüb – STATİSTİKA
Azərbaycanda 2026-cı ilin ilk 9 ayında baş verən yol-nəqliyyat hadisələrinin sayı azalsa da, qəzalar nəticəsində 500 nəfər həyatını itirib. Statistikaya əsasən, yol qəzalarının böyük hissəsi yaşayış məntəqələrində qeydə alınıb.
BAKU.WS xəbər verir ki, bu barədə Dövlət Statistika Komitəsinin 2026-cı ilin yanvar-sentyabr ayları üzrə açıqladığı məlumatda bildirilib.
Hesabat dövründə ölkənin avtomobil yollarında ümumilikdə 838 yol-nəqliyyat hadisəsi baş verib. Bu, ötən ilin eyni dövrü ilə müqayisədə 7,4 faiz azdır.
Qəzalar nəticəsində 1 140 nəfər zərər çəkib. Onlardan 500-ü ölüb, 640-ı isə müxtəlif dərəcəli xəsarətlər alıb. Zərərçəkənlərin ümumi sayı ötən ilin müvafiq dövrünə nisbətən 9,8 faiz azalıb.
Diqqətçəkən məqamlardan biri qəzaların başvermə vaxtı ilə bağlıdır. Hadisələrin 41,8 faizi gecə, 40,4 faizi gündüz, 17,8 faizi isə toran vaxtı qeydə alınıb. Yol qəzalarının 34 faizi şənbə və bazar günlərinə təsadüf edib.
Statistika göstərir ki, qəzaların əsas hissəsi yaşayış məntəqələrində baş verib. Belə ki, qeydə alınan hadisələrin 82,9 faizi şəhər və kəndlərdə olub. Bu qəzalar nəticəsində 345 nəfər həyatını itirib, 591 nəfər yaralanıb. Ötən ilin eyni dövrü ilə müqayisədə yaşayış məntəqələrində ölənlərin sayı 2,3 faiz, yaralananların sayı isə 16,5 faiz azalıb.
Qəzaların iştirakçılarına görə bölgüsündə isə nəqliyyat vasitəsi ilə piyadanın toqquşması və ya onların iştirakı ilə baş verən hadisələr üstünlük təşkil edib. Bütün qəzaların 42,2 faizi bu kateqoriyaya aid olub. Bir neçə avtomobilin iştirakı ilə baş verən hadisələr 37,1 faiz, yalnız bir nəqliyyat vasitəsinin iştirak etdiyi qəzalar isə 20,7 faiz təşkil edib.
Ölən və yaralananların cins bölgüsündə də kişilər üstünlük təşkil edib. Yol qəzalarında həyatını itirənlərin 76,8 faizi, xəsarət alanların isə 72,2 faizi kişilər olub.
Oxşar xəbərlər
Polis Günündə də post başında – Bakının küçələrindən diqqətçəkən FOTOLAR
Leyla Əliyeva "Onlardan biri: Emil" adlı anım tədbirində iştirak edib
20 Sentyabr - Neftçilər Günü münasibətilə tədbir keçirilib
İlham Əliyev Ağdamda 2-ci yaşayış kompleksinin açılışında iştirak edib
İlham Əliyev Zəngilanda ilk yaşayış kompleksinə köçən ailələrlə görüşüb
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
Muxtar Babayev: Azərbaycan və Türkiyə Cəbrayılda Meşə Təlim Mərkəzi yaradıb
-
Azərbaycanda daha bir həkim vəfat etdi
-
Andorra - Azərbaycan oyunu: Millimizdən üçüncü qol
-
Ronaldonun oğlu Portuqaliya millisində – Atasının yolunu davam etdirə biləcək?













