Qubanın iki kəndini rayon mərkəzi ilə birləşdirən yol yararsız vəziyyətə düşüb
Qubanın Çinarlı və Nərimanabad kəndlərindən keçən yolun yararsız vəziyyətə düşməsi bu yaşayış məntəqələrinin rayon mərkəzi ilə nəqliyyat əlaqəsində problem yaradıb.
Bu barədə "Report"un Şimal bürosuna rayon sakinləri məlumat veriblər.
Onların sözlərinə görə, Çinarlı kəndindən Xaçmaz, Nərimanabad kəndindən isə Bakı istiqamətinə hərəkəti təmin edən yol qovşağının asfalt örtüyünün dağılması həm nəqliyyat vasitələrinin, həm də piyadaların hərəkətini xeyli çətinləşdirib.
Sakinlər yolun bu vəziyyətə düşməsini ərazidən gün ərzində yüzlərlə ağırtonnajlı yük maşınının (TIR) hərəkət etməsi ilə əlaqələndirirlər. Bildiriblər ki, yağıntılı hava şəraitində yolda əmələ gələn dərin gölməçələr və yığılan palçıq hərəkəti mümkünsüz edir. Sakinləri narahat edən əsas məqamlardan biri də qovşağın yaxınlığında yerləşən məktəbin şagirdlərinin həmin yolu keçərkən təhlükə ilə üzləşmələridir.
Məsələ ilə bağlı Azərbaycan Avtomobil Yolları Dövlət Agentliyinin (AAYDA) Quba 5 saylı Yol İstismarı İdarəsindən "Report"un yerli bürosuna bildirilib ki, sözügedən yolda yaranmış problem haqqında məlumatlıdırlar:
"Qeyd olunan yolun əsaslı təmir olunması nəzərdə tutulur və artıq lazımi sənədlər hazırlanaraq müvafiq qurumlara göndərilib. Bu aylarda hava şəraitinin qeyri-sabit olması təmir işlərinin həyata keçirilməsinə maneə törədir. Hava şəraitinin mülayimləşməsi ilə yolda təmir-bərpa işlərinə başlanılacaq".
Oxşar xəbərlər
Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı
Çinarlı MTK: yeni metro yaxınlığında və Binəqədidə infrastrukturla paralel inkişaf edən layihə maraq yaradır
Güclü qar Qəbələnin dağlıq kəndlərinə gediş-gəlişi çətinləşdirib
İki ordu arasında qalan Ukraynanın xaraba kəndlərindən - FOTOREPORTAJ
Yasamalda bina təhlükə altındadır: Sakinlər ölüm qorxusu ilə yaşayırlar
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
"Anthropic"in səhmləri "Nasdaq"da ticarətin ilk günündə 17 % artıb
-
Uitkoff Berlində Avropa liderləri ilə görüşü məhsuldar adlandırıb
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Qarakənd faciəsindən 35 il ötür













