Bakı-Astara, Bakı-Bərdə, Bakı-Qax, Bakı-Şəki, Bakı-Oğuz, Bakı-Qəbələ, Bakı-İsmayıllı, Bakı-Ağdaş, Bakı-Kürdəmir, Bakı-Cəlilabad, Sumqayıt-Göyçay, Gəncə-Lənkəran, Gəncə-Mingəçevir, Şəki-Oğuz, Mingəçevir-Göyçay, Mingəçevir-Ağdaş, Neftçala-Salyan və Salyan-Neftçala şəhərlərarası avtobus marşrutları müsabiqəyə çıxarılır.

Bu barədə "Report" Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.

Sənədlər 25 yanvar 2025-ci il saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Tarzən Hacı Məmmədov küçəsi 5; əlaqələndirici şəxs: Elsevər Qədimov – tel.: 050-855-53-55, e-poçt: [email protected]) qəbul ediləcək.

Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.İddiaçıların təklifləri komissiya tərəfindən Bakı-Astara, Bakı-Bərdə, Bakı-Qax, Bakı-Şəki, Bakı-Ağdaş və Bakı-İsmayıllı istiqamətlərində 6 Lot üzrə fevralın 4-də;

Bildirilir ki, Bakı-Kürdəmir, Bakı-Qəbələ, Bakı-Cəlilabad və Bakı-Oğuz istiqamətlərində 6 Lot üzrə fevralın 7-də, Sumqayıt-Göyçay, Gəncə-Lənkəran, Gəncə-Mingəçevir və Şəki-Oğuz istiqamətlərində 5 Lot üzrə fevralın 11-də, Mingəçevir-Göyçay, Mingəçevir-Ağdaş Neftçala-Salyan və Salyan-Neftçala istiqamətlərində 5 Lot üzrə fevralın 14-də baxılacaq.

Lotlar üzrə marşrutların qrafikləri haqqında məlumatı buradan əldə edə bilərsiniz.

Şəhərlərarası (rayonlararası) və şəhərdaxili (rayondaxili) marşrut xətləri qanunvericiliyin tələblərinə uyğun olaraq mərhələli qaydada müsabiqəyə təqdim edilir. Məqsəd sərnişindaşıma sahəsində göstərilən xidmətin keyfiyyəti, təhlükəsizliyi və rahatlığının artırılmasıdır.

Müsabiqə “Avtomobil nəqliyyatı haqqında” Qanuna, Nazirlər Kabinetinin 2009-cu il 3 aprel tarixli 52 nömrəli qərarı ilə təsdiq edilmiş “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun olaraq təşkil edilir.

Oxşar xəbərlər

Azərbaycanda daha bir neçə müntəzəm avtobus marşrutu müsabiqəyə çıxarılır

Şəhərlərarası avtobus marşrutları müsabiqəyə çıxarılıb

Sabahdan Bakıda bir sıra avtobusların hərəkət sxemi dəyişdiriləcək

Bir sıra heyvan kəsimi və ət satışı məntəqələrində nöqsanlar aşkarlanıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4