“Qarabağ” üçün nisbətən çətin olacaq.

Bunu “Far.Az”a açıqlamasında Azərbaycanın məşhur veteran futbolçusu İsgəndər Cavadov “Qarabağ”ın UEFA Avropa Liqasının Liqa mərhələsinin VII turunda bu gün FCSB-yə (Rumıniya) qarşı keçirəcəyi matçla bağlı düşüncələrini bölüşərkən deyib.

Mütəxəssis “Qarabağ”ın Azərbaycanı Avropada layiqli təmsil etdiyini vurğulayıb:

“İlk növbədə “Qarabağ”a uğurlar arzulayıram. Neçə illərdir Azərbaycanın klub reytinqini yuxarılarda saxlayır. Ölkəni Avropada layiqincə təmsil edir. İndi Avropada oynamaq çox çətindir. Çünki rəqiblər güclüdür. Bugünkü oyuna gəlincə, heç vaxt proqnoz verməyi xoşlamamışam. “Qarabağ”a ancaq qələbə arzulayıram. FCSB vaxtilə çox güclü komanda olub, heyətində ulduz futbolçular çıxış edib. “Qarabağ” üçün nisbətən çətin olacaq. Yenə də hər şey futbolçulardan asılıdır”.

Keçmiş futbolçu Rumıniya təmsilçisi ilə matça azarkeş marağının nisbətən az olmasına da münasibət bildirib:

“Klublar o səviyyədə deyil. Təkcə “Qarabağ”la Azərbaycan futbolunu heç vaxt yüksəklərə qaldıra bilmərik. Həm legionerlər, həm də çempionatımızdakı komandalar güclü olmalıdır. Azarkeşlər beynəlxalq oyunlara çox gəlirlər. Məsələn, beynəlxalq oyunlarda 30 mindən çox adam "Qarabağ"ı stadionda dəstəkləyir. Çempionat oyununa isə 500 nəfər gəlib baxır. Biz vaxtilə futbol oynayanda stadiona hər dəfə 40 min, ən pis halda 20 minə yaxın azarkeş gəlirdi. Düşünürəm ki, “Qarabağ” düzgün yoldadır. Nə bacarırlarsa, onu da göstərirlər”.

Qeyd edək ki, Tofiq Bəhramov adına Respublika stadionunda keçiriləcək "Qarabağ" - FCSB matçının start fiti saat 21:45-də səsləndiriləcək.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Bakıda COP29-un Liderlər Sammitinin açılış mərasimi keçirilib - YENİLƏNİB-2