Almatı məhkəməsi hakimiyyətin kriminal avtoritet adlandırdığı Arman Cumageldiyevi ("Vəhşi Arman"), Milli Təhlükəsizlik Komitəsinin polkovniki Ruslan İskakovu və şəhərin yerli qanunverici orqanının deputatı Kayrat Kudaybergeni 2022-ci ilin yanvar ayında iğtişaşlar təşkil etdiklərinə görə müvafiq olaraq 20, 15, 6 və 8 il müddətinə azadlıqdan məhrum edib.

“Far.Az” xəbər verir ki, bu barədə Qazaxıstan mətbuatı məlumat yayıb.

Sözügedən şəxslərin işi məhkəməyə bir ildən çox əvvəl daxil olub. "Vəhşi Arman" 2022-ci ilin yanvar ayında təşkilində ittiham olunduğu talanlardan dərhal sonra həbs edilib. Onunla birlikdə daha altı nəfər saxlanılıb, onlardan müxtəlif markalı və çaplı dörd ədəd yarımavtomat tapança, döyüş sursatı, soyuq silah və zirehli avtomobil müsadirə edilib.

Baş Prokurorluqdan bildiriblər ki, "Vəhşi Arman" iğtişaşlar təşkil etməli, kütləni nəzarətə götürməli, hakimiyyətə vahid ultimativ tələblərin irəli sürülməsi üçün xalq şurası yaratmalı idi.

İstintaqın versiyasına görə, "Vəhşi Arman" iğtişaşlar zamanı insanları oğurlayıb. Onun silahlıları 24 dinc vətəndaşı oğurlayaraq zorla saxlayıblar. Əvvəlcə onları bir yerdən başqa yerə aparıb döyüblər, nəticədə bir nəfər vəfat edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Qazaxıstanda 100-dən çox şəxs kriminal dairələrin maliyyələşdirilməsində şübhəli bilinərək saxlanılıb

İşğaldan azad olunmuş torpaqlarda çox sayda silah-sursat aşkarlanıb