İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyindəki Azərbaycan Standartlaşdırma İnstitutunun (AZSTAND) qəbul etdiyi yeni standartlar ixrac potensialının artırılmasına töhfə verir.

Bunu "Report"a müsahibəsində İnstitutun baş direktor müavini, direktor əvəzi Kəmalə Məmmədzadə bildirib.

"Yeni standartların qəbulu bir sıra meyarlara əsaslanır. Belə ki, müasir dövrdə texnologiyanın sürətli inkişafı ilə əlaqədar yeni məhsul və xidmətlər meydana gəlir. Bu isə öz növbəsində yeni texnologiyaların düzgün və təhlükəsiz istifadəsini təmin etmək üçün yeni standartların yaradılmasını labüd edir. Bundan əlavə, dünya iqtisadiyyatının qloballaşması ilə ölkələr arasında ticarət daha da intensivləşir ki, bu da məhsul və xidmətlərin müxtəlif bazarlarda qəbul edilməsini və bir-biri ilə uyğunluğunu təmin etmək məqsədilə beynəlxalq standartların qəbulunu şərtləndirir. İnsanların sağlamlığı və təhlükəsizliyinin təmin edilməsi, eləcə də ətraf mühitin qorunması kimi vacib məsələlər də yeni standartların qəbul edilməsini tələb edir", - deyə o qeyd edib.

Direktor əvəzinin sözlərinə görə, beynəlxalq standartlar əsasında milli standartların qəbulu, insan sağlamlığı, dövlətin maraqları və ətraf mühitin mühafizəsi üçün malların təhlükəsizliyinin, keyfiyyətinin təmini onların rəqabətqabiliyyətliliyinin və ixrac potensialının artırılmasına töhfə verir.

"Ümumilikdə, standartlaşdırma fəaliyyəti üzrə prioritet istiqamətlər “2024-2026-cı illər üzrə Milli Standartlaşdırma Çərçivəsi”ndə əks olunub. Sözügedən Çərçivəyə daxil edilən bir sıra sahələr: neft-qaz, nəqliyyat, aqrar və yeyinti məhsulları, informasiya texnologiyaları və digər sahələr üzrə standartlar hazırlanaraq qəbul edilir", - deyə o əlavə edib.

K.Məmmədzadə ilə tam müsahibəni buradan oxuya bilərsiniz.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

AZSTAND beynəlxalq standartlara uyğunlaşma ilə bağlı fəaliyyətini açıqlayıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Kəmalə Məmmədzadə: "Yeni "Milli Standartlaşdırma Proqramı” formalaşdırılır"