ABŞ-də 2025-ci il ərzində yumurtaların qiymətinin 41,1% artacağı gözlənilir.

Bu barədə "ABC News" kanalı ölkənin Kənd Təsərrüfatı Nazirliyinə istinadən məlumat yayıb.

Məlumata görə,  yumurtaların qiymətinin artması ölkədə baş verən qıtlıqla bağlıdır. ABŞ-də 2024-cü ilin noyabr-dekabr aylarında yayılmış quş qripi epidemiyası 17,2 milyon yumurtlayan toyuğun tələf olmasına səbəb olub ki, bu da yumurta istehsalında ciddi azalma yaradıb.

Yanvar ayının nəticələrinə əsasən, ABŞ-də 12 ədəd yumurtanın orta qiyməti 4,95 dollar təşkil edib. Nazirliyin məlumatına görə, bu göstərici 2024-cü ilin eyni dövrü ilə müqayisədə 53% daha yüksəkdir.

Bəzi supermarketlər yumurta qıtlığının qarşısını almaq üçün məhdudiyyətlər tətbiq edib. Məsələn, "Market Basket" şəbəkəsi Massaçusets ştatında alıcılardan bir ailəyə maksimum iki qutu yumurta almağı xahiş edib. Las-Veqas sakini isə yerli marketlərdə yumurta rəflərinin tamamilə boş olduğunu bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan gömrükçüləri “yardıma ehtiyacı olan şəxs”i saxlayıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Çexiyada quş qripi epidemiyası qeydə alınıb

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ