Almaniyanın Hamburq şəhərində, konteyner limanı yaxınlığında yerləşən Katvikxafen kanalına təxminən 42 min litr neft məhsulu sızıb.

Bu barədə "Bild" nəşri yanğınsöndürmə xidmətinə istinadən məlumat yayıb.

Hadisə "Green Port" şirkətinə məxsus ərazidə baş verib. Bu şirkət neftin distillə olunmasından qalan maye tullantıların toplanması, daşınması, saxlanması və emalı ilə məşğuldur. Sızmanın dəqiq səbəbi hələlik məlum deyil.

İlkin məlumatlara görə, artıq 90 min kubmetr su çirklənib. Sızmanın yayılmasının qarşısını almaq üçün fövqəladə hallar xidməti su üzərində xüsusi neftə qarşı maneələr qurub. Bundan əlavə, çirklənmiş suyun Elba çayının əsas axınına qarışmaması üçün stasionar su-hava baryeri quraşdırılıb.

Hadisənin miqyasını izləmək üçün xüsusi avadanlıqla təchiz edilmiş polis helikopteri cəlb olunub. Hazırda ekoloji fəlakətin qarşısını almaq və çirklənmənin daha geniş ərazilərə yayılmasının qarşısını almaq üçün intensiv tədbirlər görülür.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

30 illiyini qeyd edən Azərbaycan enerjisinin ötən ilinə baxış

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

STM dövlət orqanlarının kommunikasiya xətlərinin fəaliyyəti ilə bağlı monitorinq keçirib