İdxal olunan nektarin və şaftalı tinglərində virus aşkarlanıb.

Bu barədə Azərbaycan Qida Təhlükəsizliyi Agentliyi məlumat yayıb.

Bildirilib ki, nəzarət tədbirləri çərçivəsində "Agro Plant" MMC-nin Türkiyədən idxal etdiyi nektarin və şaftalı tinglərindən AQTA əməkdaşları tərəfindən götürülmüş nümunələrin müayinəsi nəticəsində məhsul partiyasında "şarka" virusu aşkarlanıb.

"Faktla bağlı 18 min ədəd nektarin, 18 240 ədəd şaftalı tinginin gömrük ərazisinin hüdudlarından kənara çıxarılması və ya məhv olunması barədə qərar qəbul edilib. Hazırda qanunvericiliyə uyğun müvafiq tədbirlər görülməkdədir.

Qeyd edək ki, "şarka" virusu meyvə ağaclarında, xüsusilə nektarin, şaftalı, gavalı və albalıda ciddi xəstəliklərə səbəb olur. Virus bitkilərin inkişafını zəiflədir və məhsuldarlığı əhəmiyyətli dərəcədə azaldır", - məlumatda qeyd olunub.

Oxşar xəbərlər

Türkiyədən gətirilən bioloji aktiv qida məhsulu partiyasında uyğunsuzluq aşkarlanıb

AQTA ilə Özbəkistanın Bitkilərin Mühafizəsi və Karantini Agentliyi əməkdaşlığa dair Fəaliyyət Planı imzalayıb 

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanda bəzi bitkilər üzrə yalnız məhsul subsidiyası veriləcək

Qida təhlükəsizliyi sahəsində media savadlılığının artırılması üçün təlim keçirilib