Sumqayıt şəhərində evlərdən silsilə oğurluq etməkdə şübhəli bilinən şəxslər saxlanılıb.

Bu barədə BAKU.WS-ə Daxili İşlər Nazirliyindən məlumat verilib. 

Bildirilib ki, bir nəfər polisə müraciət edərək yaşadığı evdən 10 min manat dəyərində qızıl-zinət əşyalarının oğurlandığını bildirib.

Sumqayıt Şəhər Polis İdarəsinin 4-cü Polis Bölməsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuşlar - 36 yaşlı E.Axundov və 33 yaşlı X.Hümbətov müəyyən edilərək saxlanılıblar.

Aparılan araşdırmalarla E.Axundovun əvvəllər məhkum olunmuş 35 yaşlı A.Ağayevlə birgə şəhər ərazisində yerləşən daha iki evdən pul və 6000 manat dəyərində qızıl-zinət əşyaları oğurladığı məlum olub. Əməli törətməkdə şübhəli bilinən A.Ağayevin saxlanılması da təmin edilib.

Araşdırmalar davam etdirilir.

Oxşar xəbərlər

Binədə yeddi evdən 27 min manatlıq oğurluq edən şəxs saxlanılıb

Mənzildən 35 min manat oğurlamaqda şübhəli bilinən qadın saxlanılıb

Bakıda 30 min manatlıq avadanlıq oğurlamaqda şübhəli bilinən şəxs saxlanılıb

Bakı və Sumqayıtda dələduzluqda şübhəli bilinən şəxslər saxlanılıb

Kirayə yaşadığı evdən oğurluq etməkdə şübhəli bilinən şəxs saxlanılıb