Corciya Texnologiya Universitetinin amerikalı alimləri 2025-ci il martın 28-də Myanma və Tailandda baş vermiş güclü zəlzələ ilə bağlı ilk araşdırmanın nəticələrini açıqlayıblar.

Far.Az xəbər verir ki, təbii fəlakət nəticəsində azı 5 min nəfər həyatını itirib.

Hesabat Amerika Seysmologiya Cəmiyyətinin (SSA) illik toplantısında təqdim olunub.

7,7 bal gücündə zəlzələ Hind və Avrasiya tektonik plitələrinin sərhədində yerləşən əsas tektonik quruluş - 400 kilometr uzunluğundakı Saqainq boyunca baş verib. ABŞ Geoloji Xidmətinin məlumatına görə, bu, müasir tarixdə qeydə alınmış ən iri səthi qırılmalardan biridir.

Corciya Texnologiya İnstitutundan Jhiqan Pen izah edir: "Səth əvvəlcə yavaş-yavaş qırılmağa başladı, lakin sonra səs sürətindən daha sürətli yayılan "supersürüşmə" rejiminə keçdi. Bu isə zəlzələ dalğalarının Tailand və Çinin Yunnan və Quanqdonq vilayətlərindəki seysmik aktivliyi artırmasına səbəb oldu".

Regionu 2014-cü ildən bəri araşdıran yapon mütəxəssislər xəbərdarlıq ediblər ki, Saqainq və Yanqon şəhərləri hələ də yüksək təhlükə zonasındadır.

Bu zəlzələ bir daha infrastrukturun təbii fəlakətlər qarşısında nə qədər həssas olduğunu və seysmik proqnozlaşdırma sahəsində beynəlxalq əməkdaşlığın vacibliyini ortaya qoyub. 

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Azərbaycan XİN Myanma və Tailandda dağıdıcı zəlzələ ilə bağlı başsağlığı verib