ABŞ-nin təzyiqləri fonunda Kanada Aİ-yə üzv olma ehtimallarını nəzərdən keçirir. 

Far.Az xəbər verir ki, bu barədə "Politico" nəşri yazıb. 

Ağ Ev rəhbəri Donald Tramp da dəfələrlə Kanadanı ABŞ-nin 51-ci ştatına çevirmək niyyətində olduğunu bildirib.

Kanadanın Avropa İttifaqına inteqrasiyası ilə bağlı səslənən fikirlər ABŞ-nin tarif siyasətinə qarşı atılmış cavab addımıdır.

Bu barədə Sankt-Peterburq Dövlət Universitetinin Beynəlxalq Münasibətlər Fakültəsinin Avropa Araşdırmaları kafedrasının dosenti Dmitri Levi "Lenta.ru"ya müsahibəsində bildirib.

Onun sözlərinə görə, bu məsələdə ciddi inteqrasiyadan danışmağa əsas yoxdur:

"Düşünürəm ki, hazırda ABŞ-ın Kanada ilə bağlı atdığı bəzi addımları onun ərazi bütövlüyünə təhdid kimi qiymətləndirmək böyük siyasət oyununun bir hissəsidir. Bu, daha çox danışıqlarda mövqe gücləndirmək məqsədi daşıyır, nəinki ciddi plan".

O bildirib ki, Kanadanın Aİ kimi beynəlxalq institutlardan istifadə etməsi və oraya üzv olması məsələsində, xüsusilə də Böyük Britaniyanın təcrübəsini nəzərə alaraq, Aİ-nin bu gün cəlbedici iqtisadi qurum olduğunu söyləmək çox çətindir.

Ekspertin fikrincə, Kanadanın Aİ ilə daha sıx inteqrasiyası ilə bağlı ritorika, ABŞ-nin təşəbbüsləri fonunda Kanadanın Meksika ilə inteqrasiyasına qarşı balans yaratmaq məqsədi daşıyır. Bu isə ABŞ-nin tarif siyasətinə qarşı Kanadanın öz danışıqlar mövqeyini gücləndirməsinə xidmət edir.

Kanadanın Aİ-yə inteqrasiyası qarşısında duran əsas problemlərdən biri kimi hüquqi sistemlərin uyğunlaşdırılması məsələsini göstərən Levi qeyd edib ki, Aİ vahid hüquqi məkan əsasında fəaliyyət göstərir, Kanada isə ABŞ-ın hüquqi sisteminə uyğun formalaşıb. Bu isə fərqli dünyagörüşləri, iqtisadi modellər və hüquqi çərçivələr deməkdir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib

Azərbaycanda məhsul və xidmətin qiymətini hansı qurum tənzimləyir?