Venesuela "terrorizm təhdidi" səbəbilə Kolumbiya ilə bütün aviareyslərin müvəqqəti dayandırıldığını açıqlayıb.

BAKU.WS trt haber-ə istinadən xəbər verir ki, Daxili işlər naziri Diosdado Kabelyo, Kolumbiyadan ölkəyə muzdluların daxil olduğunu bildirib.

O, 25 may seçkiləri öncəsi təhlükəsizlik tədbirləri görüldüyünü deyib. Kabelyo Kolumbiyadan zorakılıq və terrorla əlaqəli şəxslərin ölkəyə keçdiyini iddia edib. Bu səbəbdən uçuşların dərhal dayandırılması əmri verilib.

17-si əcnəbi olmaqla 38 nəfərin saxlanıldığı açıqlanıb. Saxlanılanlar arasında Kolumbiya, Meksika və Ukrayna vətəndaşları da var. Nazir, bəzi sabiq Kolumbiya prezidentlərini ölkədə təxribat hazırlamaqda ittiham edib. Səfirliklərə, xəstəxanalara və digər obyektlərə hücum planları barədə kəşfiyyat məlumatlarının daxil olduğu bildirilib.

Kabelyo, müxalif lider Maria Korina Maçadonu da terror fəaliyyətlərinə dəstək verməkdə günahlandırıb. Venesuelada 25 mayda parlament və valilik seçkiləri keçiriləcək. Səsvermə Esekibo bölgəsini də əhatə edəcək.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Zorakılıq qurbanlarını necə mühafizə edək? - ARAŞDIRMA

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib