Fransa seçicilərinin yarısı sol müxalifətin Emmanuel Makronu prezident səlahiyyətlərindən məhrum etmək üçün impiçment tələb edən qətnaməni parlamentə təqdim etmək niyyətini dəstəkləyir.

Far.Az xəbər verir ki, bunu BFMTV kanalının sifarişi ilə Elabe sosioloji xidmətinin keçirdiyi ictimai rəy sorğusunun nəticələri sübut edir.

Sorğuda iştirak edənlərin 49%-i “Tabe Olmayan Fransa” partiyasının Makronun impiçmentini tələb edən qətnaməni parlamentin Milli Assambleyasına (aşağı palatası) təqdim etmək niyyətini dəstəkləyib. Onların 50%-i isə bunun əleyhinə çıxıb.

Sorğu 27-28 avqust tarixlərində yaşı, cinsi, peşəsi, dini və yaşayış bölgəsi əsasında seçilmiş 18 yaşdan yuxarı min Fransa sakini arasında onlayn rejimdə aparılıb.

Solçu müxalifətin nümayəndələrinin dövlət başçısının impiçmenti üçün müraciət etmək istəyinin səbəbi, Makronun namizədliyi Yeni Xalq Cəbhəsi alyansı tərəfindən irəli sürülən iqtisadçı Lüsi Kasteni baş nazir postuna təyin etməməsidir.

Respondentlərin 63%-i növbədənkənar seçkilərdən 7 həftə keçməsinə baxmayaraq Fransada yeni hökumətin formalaşmamasında prezidenti və onun tərəfdarlarını günahlandırır.

74% iştirakçı isə əmindir ki, impiçment cəhdi istənilən nəticəyə gətirib çıxarmayacaq.

Oxşar xəbərlər

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

“COP29 üçün effektiv kommunikasiya strategiyaları” mövzusunda media seminarı keçirilib - YENİLƏNİB

Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ

Türkmənçay müqaviləsinin yarıya böldüyü, Nəbatinin dəfn edildiyi Azərbaycan şəhəri - ARAŞDIRMA

Azad edilmiş ərazilərin bərpası: xarabalıqdan dirçəlişə doğru - Təhlil