Kambocanın Baş naziri Hun Manet Nobel Sülh Komitəsinə məktub göndərərək, ABŞ Prezidenti Donald Trampın xidmətlərini sülh mükafatı ilə qeyd etməyi təklif edib.

BAKU.WS oxu.az-a istinadən xəbər verir ki, bu barədə Kamboca Mətbuat Agentliyi məlumat yayıb.

"Kamboca Krallığının baş naziri olaraq, dünyada sülhün möhkəmləndirilməsi işinə verdiyi töhfəyə görə ABŞ-nin 45-ci və 47-ci Prezidenti Donald Trampın Nobel Sülh Mükafatına namizədliyini rəsmi olaraq irəli sürmək şərəfinə malikəm", - deyə o vurğulayıb.

Baş nazir Kamboca və Tailand arasındakı sərhəddə sülh və sabitliyin bərpasında həlledici roluna görə Trampa səmimi minnətdarlığını bildirib.

Xatırladaq ki, iyulun 24-də Tailand və Kamboca sərhədində silahlı toqquşmalar başlamışdı. Avqustun 7-də isə iki ölkə nümayəndələri Kuala-Lumpurda danışıqlardan sonra sərhəddəki gərginliyin aradan qaldırılması üçün razılığa gəliblər.

Oxşar xəbərlər

Azərbaycan ictimaiyyəti Qorbaçovun Nobel Mükafatından məhrum olunmasını istəyir - AÇIQ MƏKTUB

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Mehriban Əliyevanın doğum günüdür

Prezident İlham Əliyev XII Qlobal Bakı Forumunun açılış mərasimində çıxış edib