Babək rayonunun Nehrəm qəsəbəsinin torpaq sahələrinin su təminatını yaxşılaşdırmaq üçün Araz çayından qidalanan nasos stansiyaların və təzyiqli boru xəttinin tikintisinə başlanılıb.

BAKU.WS xəbər verir ki, Babək rayonunun Nehrəm qəsəbəsində torpaq sahələrinin su təminatını yaxşılaşdırmaq üçün Araz çayından qidalanan nasos stansiyaları və təzyiqli boru xətləri çəkilir.

Görülən işlər çərçivəsində diametri 1220 mm, qalınlığı 12 mm olan borular 3 km məsafəyə, diametri 1220 mm, qalınlığı 10 mm olan borular isə 2340 metr məsafəyə boşaldılıb. Lazımi izolyasiya və qaynaq materialları da əraziyə gətirilib. Boru xətti üçün 16 km uzunluğunda trassa hazırlanıb.

Relyef çətin olduğuna görə, boru daşıyan maşınların rahat hərəkət etməsi üçün 6-8 metr enində yol salınıb, dərələr doldurulub, bəzi təpələr kəsilərək texnikanın hərəkəti üçün şərait yaradılıb. Bundan başqa, 13 birləşmədən ibarət 169 metr uzunluğunda qaynaq işləri aparılıb. Hazırda isə 2-ci nasos stansiyasının və həcmi 1500 kubmetr olan su anbarının yerində qazıntı işləri davam etdirilir.

Qalereya

Oxşar xəbərlər

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Xocalı rayonu Seyidbəyli kəndinə ilk köç karvanı yola salınıb

Azərbaycanda şəhərsalma və tikinti prosedurları sadələşdirilib

Prezident İlham Əliyev Xocavənd rayonunun Hadrut qəsəbəsində olub

İlham Əliyev Xocavənd rayonunun Qırmızı Bazar qəsəbəsində olub