Sumqayıt şəhərində ünvana suşi çatdıran restoran kuryeri döyülüb.

BAKU.WS Oxu.az-a istinadən xəbər verir ki, hadisə Sumqayıt şəhəri ərazisində fəaliyyət göstərən restoranlardan birində baş verib.

Sumqayıt şəhər sakini olan qadın restorandan yaşadığı ünvana suşi sifariş verib. Sifariş restoranın kuryeri tərəfindən ünvana göndərilib. Kuryer ünvana çatarkən ünvanı dəqiqləşdirmək üçün sifarişçi xanıma zəng vurub. Telefon danışığı zamanı müştəri ilə kuryer arasında anlaşılmazlıq olduğundan mübahisə yaranıb və kuryer müştəri ilə sərt danışıb. Bu vaxt qadın telefonu qardaşına verib. Kuryer isə telefonu söndürərək həmin nömrəni blok edərək sifarişi çatdırmaq üçün başqa kuryerə verib.

Sifariş ünvana çatdırıldıqdan sonra qadının qardaşı həmin restorana gedərək kuryeri tapıb. Aralarında yaranan mübahisə nəticəsində həmin şəxs kuryeri döyüb. Hadisə nəticəsində kuryerin aldığı zərbələrdən dişi qırılıb.

Kuryer dərhal polisə məlumat verib və hadisə yerinə polis əməkdaşları gəliblər. Faktla bağlı cinayət işi başlanıb, iş məhkəməyə göndərilib.

Sumqayıt Şəhər Məhkəməsində keçirilən prosesdə təqsirləndirilən şəxslə zərərçəkmiş arasında barışıq elan olunub və cinayət işinə xitam verilib.

Oxşar xəbərlər

Sumqayıtda 36 nömrəli tam orta məktəbin yenidənqurmadan sonra açılışı olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İki sifariş edin, bir çatdırılma haqqı ödəyin!