Gürcüstan prezidenti Mixail Kavelaşvili bəyan edib ki, ölkədə hökuməti devirməyə yönəlmiş hər hansı cəhdlərə qanun çərçivəsində qətiyyətli cavab veriləcək.

BAKU.WS xəbər verir ki, prezident bu fikirləri administrasiyada keçirilən brifinq zamanı səsləndirib.

O bildirib ki, dünən keçirilən bələdiyyə seçkiləri yüksək demokratik standartlara uyğun baş tutub və Mərkəzi Seçki Komissiyası prosesin peşəkar təşkili üçün xüsusi təşəkkürə layiqdir.

Kavelaşvili həmçinin "Gürcü Arzusu" partiyasını seçkilərdə qazandığı qələbəyə görə təbrik edib və seçici fəallığını təmin edən bütün siyasi qüvvələrə minnətdarlığını bildirib.

Prezident Tbilisidə seçkilərlə eyni vaxtda keçirilən etiraz aksiyalarına da münasibət bildirib. O, etirazları "hakimiyyəti zorla devirməyə yönəlmiş təxribat" adlandıraraq qeyd edib ki, aksiyalar zamanı vandalizm və zorakılığa çağırışlar qeydə alınıb.

Kavelaşvilinin sözlərinə görə, bu cür addımların arxasında xarici kəşfiyyat orqanlarının təsiri hiss olunur və dövlət bu cəhdlərə sərt və prinsipial şəkildə cavab verəcək.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

VII çağırış Milli Məclisin deputatları - SİYAHI

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4