Keniyanın vəfat edən keçmiş baş naziri Raila Odinqa ilə Kisumi şəhərindəki stadionda oktyabrın 18-də keçirilən vida mərasimində yaşanan izdiham zamanı yüzlərlə insan xəsarət alıb, ölənlərin olduğu da bildirilir.

BAKU.WS Oxu.Az-aə istinadən xəbər verir ki, eks baş nazir oktyabrın 15-də 80 yaşında vəfat edib.

Siyasətçinin anım (vida) mərasimləri oktyabrın 16-da başlayıb, ayın 19-dək davam edəcək.

Dəfn mərasimi bazar günü onun atasının Bondodakı məqbərəsi yaxınlığında baş tutacaq. Bu mərasimdə yalnız yaxın adamlar iştirak edəcək.

Oktyabrın 16 və 17-də Keniyanın paytaxtı Nayrobidə də vida mərasimi keçirilib. Məlumata görə, oktyabrın 16-da polis cənazə korteji üçün yolu açarkən izdihamda dörd nəfər həlak olub. Həmin vaxt onlarla sakin yaralanıb. Oktyabrın 17-də keçirilən vida mərasimində isə iki nəfərin öldüyü və 160-dan çox yaralanma olduğu qeyd edilir.

İzdiham zamanı polisin gözyaşardıcı qazdan və odlu silahdan istifadə etdiyi də vurğulanır.

Oxşar xəbərlər

27 Sentyabr - Anım Günü münasibətilə Azərbaycan Ordusunda silsilə tədbirlər keçirilib

Əminə Yusifqızı ilə vida mərasimi başa çatıb

Xalq artisti Əminə Yusifqızı dəfn olunub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Şəhidlərin xatirəsinə həsr olunmuş anım tədbirləri keçirilib