Qırğızıstanda bu gün səhər saat 08:00-da (Bakı vaxtı ilə 06:00) növbədənkənar parlament seçkiləri üçün səsvermə rəsmi olaraq başlayıb.

BAKU.WS xəbər verir ki, ölkənin birpalatalı parlamenti - Joqorku Keneşin səkkizinci çağırışına 90 deputat seçiləcək.

Bu seçkilər ölkədə yeni qaydalar əsasında keçirilir. Prezident Sadır Japarovun iyun ayında təsdiqlədiyi dəyişikliklərlə seçki sistemi tam şəkildə majoritar modelə keçirilib. Bununla əlaqədar ölkə üzrə 30 seçki dairəsi formalaşdırılıb və hər dairədən üç deputat seçiləcək. Ümumilikdə 460 namizəd parlament mandatları uğrunda mübarizə aparır.

Seçkilərdə iştirak üçün heç bir hədd nəzərdə tutulmayıb – seçici fəallığından asılı olmayaraq nəticələr etibarlı hesab olunacaq.

Qeyd edək ki, əvvəlki - yeddinci çağırış Joqorku Keneş 2021-ci ildə qarışıq sistem üzrə formalaşdırılmışdı: deputatların bir hissəsi partiya siyahıları, digər hissəsi isə təkmandatlı dairələr üzrə seçilmişdi. Bu ilki seçki isə tamamilə yeni siyasi düzən və rəqabət şəraiti ilə fərqlənir.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

VII çağırış Milli Məclisin deputatları - SİYAHI

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Gəncə şəhərinin marşrut şəbəkəsi yenidən formalaşdırılıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib