Alimlər limondan ilhamlanaraq torpaqda parçalanan elastik batareya hazırlayıblar
Far.Az xəbər saytı

Alimlər limondan ilhamlanaraq torpaqda parçalanan elastik batareya hazırlayıblar


Kanadanın MakGill Universitetinin tədqiqatçıları ətraf mühitə zərər verməyən, istifadədən sonra torpaqda təbii şəkildə parçalanan yeni növ batareya yaradıb. Layihənin ideyası məktəbdə edilən klassik "limonla elektrik əldə etmə" təcrübəsindən doğub.

BAKU.WS xəbər verir ki, yeni batareyada elektrolit kimi jelatin, elektrod kimi isə magnezium və molibden istifadə olunub. Bu materiallar təhlükəsizdir və təbii şəkildə parçalanır. Lakin magneziumun səthində işə mane olan nazik təbəqə yarandığı üçün mühəndislər elektrolitin tərkibinə limon və süd turşuları əlavə ediblər. Bu turşular həmin təbəqəni əridərək batareyanın gərginliyini artırıb və xidmət müddətini uzadıb.

Tədqiqatçılar daha sonra batareyanın gövdəsinə xüsusi kəsiklər tətbiq edərək onun elastikliyini artırıblar. Nəticədə batareya öz uzunluğunun 80 faizi qədər uzana bilir və güc itirmir. Sınaq üçün 1×1 sm ölçüdə miniatür sensor hazırlanıb və yeni batareya onu AA tipli batareyaya yaxın güclə enerji ilə təmin edib.

İstifadədən sonra batareya duzlu məhlula yerləşdirilib və cəmi iki ay ərzində jelatin elektroliti ilə magnezium elektrodu tamamilə parçalanıb.

Oxşar xəbərlər

İlham Əliyev Qarabağ Universitetinin Klinikası binasının açılışında iştirak edib
Balıkesirdəki zəlzələ zamanı 25 bina zərər görüb
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Süd və süd məhsullarının istehsalı müəssisəsində nöqsanlar aşkarlanıb
Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Ən son xəbərləri bizim

"Facebook" səhifəmizdə izləyin

Digər xəbərlər