Ötən ilin yanvar–noyabr ayları ərzində Azərbaycanda duru bitki yağları istehsalı azalsa da, marqarin istehsalında artım müşahidə olunub.

Far.Az-in Dövlət Statistika Komitəsinə istinadən xəbər verir ki, qeyd olunan dövrdə ölkədə 37 min 728,4 ton duru bitki yağı istehsal edilib. Bu göstərici 2024-cü ilin eyni dövrü ilə müqayisədə 2,6 faiz azalma deməkdir.

Eyni zamanda, marqarin istehsalı 46 min 537,8 tona çatıb ki, bu da əvvəlki illə müqayisədə 3,1 faiz artım göstərib.

Bu ilin dekabr ayının əvvəlinə olan məlumata əsasən, ölkə üzrə duru bitki yağlarının ehtiyatı 2 min 132,7 ton, marqarin ehtiyatı isə 3 min 537,9 ton təşkil edib. Sözügedən ehtiyatlar ötən ilin analoji dövrü ilə müqayisədə müvafiq olaraq 41,3 və 5,6 faiz azalıb.

Hesabatda həmçinin qeyd olunur ki, baxılan dövrdə Azərbaycanda ümumilikdə 4 milyard 592,8 milyon manat dəyərində qida məhsulları istehsal edilib. Bu göstərici illik müqayisədə 9,8 faiz artıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Metroda nələr dəyişib? - Rəsmi göstəricilər

Azərbaycanda nağdsız ödənişlər 10 dəfə artıb - STATİSTİKA

Cənubi Qafqaz statistikası: Ən aşağı işsizlik göstəricisi Azərbaycanda

2025-ci ildə Azərbaycanın təbii qaz gəlirləri 6,7 milyard dollar olub - STATİSTİKA