Bütün ermənilərin katolikosu II Qaregin istefa verməli olacaq.

BAKU.WS xəbər verir ki, bu barədə Ermənistanın baş naziri Nikol Paşinyan brifinq zamanı bildirib.

Onun sözlərinə görə, Ermənistan hakimiyyəti elə addımlar atmağı planlaşdırır ki, katolikosun özü istefa vermək istəsin.

"Ermənistanın sabiq prezidenti Serj Sarqsyan da vəzifədən getmək istəmirdi, amma getməli oldu",-deyə Paşinyan qeyd edib.

Baş nazir əlavə edib ki, II Qareginin istefası prosesi sarsıntısız, xristian təvazökarlığı ilə həyata keçiriləcək.

Noyabrın sonunda Paşinyan ailəsinə məxsus olan "Erməni vaxtı" qəzeti II Qareginin istefasına çağırışlarla bəyanat dərc edib. Müraciətdə patriarxın seçkilərinin ədalətli olmadığı, hazırda kilsədə "sağlam olmayan mühitin" və böhranın formalaşdığı iddia olunurdu.

Hakimiyyətlə Erməni Apostol Kilsəsi arasında yaranmış qarşıdurma keşişlərin saxlanılması və həbsi ilə müşayiət olunur.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib