ABŞ-nin Texas ştatının Port Artur şəhərində yerləşən "Valero" şirkətinə məxsus neft emalı zavodunda güclü partlayış baş verib.

BAKU.WS xəbər verir ki, hadisə ilə bağlı məlumatı "CNBC" telekanalının yerli bölməsi yayıb.

Partlayışdan sonra müəssisə ərazisi üzərində qalın tüstü müşahidə olunub. Yerli yanğınsöndürmə xidməti ətraf ərazilərdə yaşayan sakinlərə təhlükəsizlik məqsədilə dərhal sığınacaqda qalmaq göstərişi verib.

Məlumata görə, gündəlik 435 min barel neft emal gücünə malik olan zavodda 770 nəfər çalışır.

Dairə şerifi Zena Stivens bildirib ki, hadisənin ilkin səbəbi kimi sənaye qızdırıcısında baş verən nasazlıq ehtimal olunur. Hazırda müvafiq qurumlar zavod ətrafında havanın keyfiyyətinə nəzarət edir.

İnsident nəticəsində xəsarət alanlar barədə hələlik rəsmi məlumat açıqlanmayıb.

Oxşar xəbərlər

DYMX Neft Emalı Zavodunda yanğın-taktiki təlim keçirib

Bakıda obyektdə güclü PARTLAYIŞ - 7 nəfər xilas edilib, yaralılar var

FHN zavodda təlim keçirdi

Yeni "McDonald"s" restoranı "Port Baku Mall"un qarşısında fəaliyyətə başlayıb

İlham Əliyev İmişlidə "Promalt" MMC-nin arpa emalı müəssisəsinin açılışını edib