Bu gün "Bakı Fond Birjası" QSC-də (BFB) "BQ" ASC-nin 2 milyon manat dəyərində faizli, təmin edilməmiş, sənədsiz, adlı istiqrazlarının yerləşdirilməsi üzrə hərrac keçirilib.

"Far.Az" BFB-yə istinadən xəbər verir ki, hərraca hər birinin nominal dəyəri 100 manat olan 20 000 ədəd istiqraz çıxarılıb.

Qiymətli kağızlar birqiymətli hərrac üsulu ilə investorlara təklif olunub.

İstiqrazlara 52 investor 2 milyon manatlıq 52 sifariş təqdim edib. Bununla da, yerləşdirmə tam baş tutub.

Qiymətli kağızlar 7 il tədavüldə olacaq. Onların illik gəlirliliyi 15 %-dir. Faizlər aylıq ödəniləcək. Prosesin anderrayteri "İnvestg-AZ İnvestisiya Şirkəti" QSC-dir.

Xatırladaq ki, "BQ"nin səhmdarı 100 % Fərman Quliyevdir. O, həm də atası Eldar Quliyevlə birlikdə "Para" ASC bank olmayan kredit təşkilatının (BOKT) səhmdarıdır.

Oxşar xəbərlər

Birinci Qarabağ müharibəsinin itkin şəhidi Abdulla Quliyevlə vida mərasimi keçirilib

"Bir Kredit" BOKT-un istiqrazlarına 68 investor maraq göstərib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

"FINCA Azerbaijan" BOKT-un istiqrazlarına 54 investor maraq göstərib

FNC BOKT-un istiqrazlarına 50 investor maraq göstərib