NATO-nun Avropadakı Birləşmiş Silahlı Qüvvələrinin Ali Baş Komandanının keçmiş müavini, britaniyalı general Riçard Şirreff Ukrayna Silahlı Qüvvələrinin baş komandanı Aleksandr Sırskinin baş xarici hərbi müşaviri olub.

"Report" xəbər verir ki, bu barədə UNİAN-a Ukrayna Silahlı Qüvvələrinin Baş Qərargahında bildirilib.

Şirreff həmçinin Sırski yanında yeni yaradılmış ARES Hərbi Ekspert Şurasına rəhbərlik edib.

Şuraya tərəfdaş ölkələrdən yüksək rütbəli hərbi ekspertlər, o cümlədən Slovakiya Silahlı Qüvvələri Baş Qərargah rəisinin keçmiş müavini Pavel Matsko daxil olub.

Aleksandr Sırski bildirib ki, Şirreff artıq şurada praktiki işə başlayıb və hərbi-strateji təhlil daxil olmaqla əsas fəaliyyət istiqamətlərini müəyyən edib.

ARES-in əsas məqsədi Ukrayna və beynəlxalq qabaqcıl təcrübənin mübadiləsi yolu ilə Ukrayna Silahlı Qüvvələrinin inkişafına töhfə verməkdir. Ekspertlər ordunun transformasiyasını, effektivliyinin artırılmasını və idarəetmə sistemində institusional dəyişikliklərin tətbiqini dəstəkləyəcəklər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Birinci vitse-prezident Mehriban Əliyeva Müqəddəs Pavel Bazilikasının baş keşişi ilə görüşüb

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib