Səudiyyə Ərəbistanı ABŞ-ın Hörmüz boğazından gəmilərin tranzitini təşkil etməyi hədəfləyən "Azadlıq Layihəsi" əməliyyatını dəstəkləməkdən imtina edib, çünki Vaşinqton bu təşəbbüs barədə krallığı əvvəlcədən xəbərdar etməyib.

"Far.Az" xəbər verir ki, bu barədə "NBC News" Amerika administrasiyasının iki adı açıqlanmayan nümayəndəsinə istinadən məlumat yayıb.

Qeyd olunub ki, ABŞ Prezidenti Donald Trampın "TruthSocial" sosial şəbəkəsində etdiyi əməliyyatla bağlı açıqlama Fars körfəzi ölkələrini təəccübləndirib və Səudiyyə Ərəbistanı rəhbərliyini qəzəbləndirib.

Buna cavab olaraq Ər-Riyad Vaşinqtona Amerika qoşunlarının Şahzadə Sultan hava bazasından qalxmasına icazə verməyəcəyini və onların hava məkanından istifadəsini qadağan edəcəyini bildirib.

"NBC News"un məlumatına görə, Trampın Səudiyyə Ərəbistanı Krallığının vəliəhdi Məhəmməd bin Salman bin Əbdüləziz Al Səudla sonrakı telefon danışığı vəziyyəti düzəltməyə kömək etməyib. Bundan sonra Amerika lideri əməliyyatı dayandırmaq məcburiyyətində qalıb.

Mayın 5-də Ağ Ev rəhbəri ABŞ-nin İranla razılaşma üzrə danışıqların uğurla başa çatdırıla biləcəyi və razılaşmanın bağlanacağı barədə məlumat alana qədər Hörmüz boğazından gəmilərin tranzitinin təşkili əməliyyatını dayandırmaq qərarına gəldiyini açıqlayıb.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2