"Frontier Airlines" aviaşirkətinə məxsus sərnişin təyyarəsi Denver Beynəlxalq Hava Limanının uçuş-enmə zolağında bir şəxsi vurub, bu səbəbdən ekipaj uçuşu təxirə salmaq məcburiyyətində qalıb.

Far.Az Oxu.Az-a istinadən xəbər verir ki, bu barədə aviaşirkətin nümayəndəsi məlumat verib.

Hadisənin ardınca təyyarənin salonunda tüstülənmə qeydə alınıb və pilotlar hərəkəti dayandırıblar. Təhlükəsizlik məqsədilə sərnişinlərin doldurulma trap vasitəsilə təcili təxliyəsi həyata keçirilib.

Hava limanı rəhbərliyinin məlumatına görə, hava gəmisinin mühərrikində qısamüddətli yanğın baş verib və alov yanğınsöndürmə briqadası tərəfindən dərhal söndürülüb.

"Frontier Airlines" şirkəti aeroport rəhbərliyi, eləcə də digər müvafiq təhlükəsizlik orqanları ilə birgə hadisənin təfərrüatını araşdırdığını bəyan edib.

Qeyd edək ki, Denverdən Los-Ancelesə uçmalı olan "Airbus A321"-də 224 sərnişin və 7 ekipaj üzvü olub.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Binəqədidə güclü yanğın tam söndürülüb - YENİLƏNİB-4

İrandan Azərbaycana daha 84 nəfərin təxliyəsi baş tutub

Azərbaycan vətəndaşlarının Ciddədən Bakıya təhlükəsiz təxliyəsi həyata keçirilib - YENİLƏNİB

İrandan Azərbaycana daha 84 nəfərin təxliyəsi baş tutub - YENİLƏNİB - 3