Sankt-Peterburqdakı Dövlət Ermitaj Muzeyində ziyarətçilərdən biri təhlükəsizlik qaydalarını pozaraq muzey eksponatına yaxınlaşıb və imperator taxtında əyləşib.

Far.Az-in məlumatına görə, hadisə mayın 17-də günorta saatlarında Georgi zalında baş verib.

Bildirilir ki, kişi qoruyucu kəndiri keçərək Böyük imperator taxtına oturub. Muzey əməkdaşı onu uzaqlaşdırmağa cəhd etsə də, qayda pozucusu üzərində olan iki bıçağı göstərib. Bundan sonra mühafizəçi geri çəkilmək məcburiyyətində qalıb.

Hadisə ilə bağlı dərhal Ermitajın təhlükəsizliyinə cavabdeh olan Rusiya qvardiyasına məlumat verilib. Hüquq-mühafizə orqanlarının əməkdaşları kişini saxlayarkən onun müqavimət göstərdiyi qeyd olunub.

Oxşar xəbərlər

Daş Salnamə Muzeyində "Suyun sirri" pantomim tamaşası təqdim olunub

AHİİTA-nın idman zalında şərait yaxşılaşdırılıb

Ermitajda imperator taxtında əyləşən kişi polisə müqavimət göstərib

Şəhidlər xiyabanına xalq ziyarəti axşam saatlarında da davam edir

Leyla Əliyeva Maskatda Oman Milli Muzeyində və Mutrah bazarında olub