Havay ştatının paytaxtı - Honoluludakı Ala Vay limanının akvatoriyasında neft məhsullarının dağılması qeydə alınıb.

"Report" xəbər verir ki, bu barədə ABŞ-nin Sahil Mühafizəsindən bildirilib.

Təqdim edilən məlumatlara görə, çirklənmənin nəticələrinin aradan qaldırılması ilə Sahil Mühafizəsi ilə yanaşı, bir neçə dövlət qurumu, eləcə də bu cür ekoloji insidentlərlə mübarizə təcrübəsi olan özəl təşkilat məşğul olur. Hadisə zonasında dizel yanacağı müəyyən edilib.

"Hazırkı vaxta qədər briqadalar çirklənmənin lokallaşdırılması və dizel yanacağının toplanması üçün 23 kisə hopdurucu materialdan istifadə ediblər. Dağılmanın miqyası və mənşəyi hələ də müəyyən edilməyib, istintaq tədbirləri həyata keçirilir", - rəsmi açıqlamada deyilir.

Bildirilib ki, hazırda xəsarət alan insanlar və ya təbiətə dəyən zərər barədə məlumat qeydə alınmayıb.

Oxşar xəbərlər

Azərbaycandan Ermənistana 4 500 tona yaxın dizel yanacağı Güzdəkdən yola salınır

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

Həyatda yaxşı şeyləri niyə görmürük? - Tanınmış simaların FİKİRLƏRİ

"Kağız gətir - kitab apar" sosial-ekoloji layihəsinə start verildi

Leyla Əliyeva Mingəçevirdə ekoloji aksiyalarda iştirak edib