OPEC Fondu mənzil mövzusunun şəhər infrastrukturunun inkişafı və dayanıqlı şəhərlərin yaradılması kimi daha genişmiqyaslı proqrama inteqrasiyası üzərində işləyir.

"Report" xəbər verir ki, bu barədə OPEC Fondunun İnnovativ maliyyələşdirmə şöbəsinin rəhbəri Valid Mehalayn Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Qlobal Mənzil Maliyyələşdirməsindən Yerli Əlverişli Mənzil Fəaliyyətinə: Qlobal İnkişafdan və Submilli Maliyyədən İstifadə" adlı panel müzakirəsində bildirib.

Onun sözlərinə görə, bir qayda olaraq, tərəfdaş dövlətlərin hökumətləri ilə danışıqlar zamanı mənzillə təminat problemi əsas mövzular sırasına aid edilmir.

"Mərkəzi hakimiyyət orqanları və maliyyə qurumları çox vaxt mənzil sahəsini yerli administrasiyaların məsuliyyət zonası kimi qəbul edirlər, halbuki sonuncular bu problemin həlli üçün kifayət qədər vəsaitə malik deyillər. Məhz bu səbəbdən OPEC Fondu mənzil mövzusunu şəhər infrastrukturunun inkişafı və dayanıqlı şəhərlərin yaradılması üzrə daha genişmiqyaslı proqrama inteqrasiya etmək üzərində işləyir", - V. Mehalayn vurğulayıb.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda keçirilən WUF13 dünya mediasının diqqət mərkəzindədir