Türkmənistanın Arkadağ şəhərində yağış və yeraltı sular yaşıllıqların suvarılmasında istifadə olunur.

"Report" xəbər verir ki, bunu Arkadağ şəhər merinin müavini Nazar Joytıyev Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Bağlantının mərkəzində şəhərlər: şəhər yenidənqurması və regional əməkdaşlıq" mövzusunda tədbirdə deyib.

Onun sözlərinə görə, şəhərdə yeraltı və yağış suları toplanaraq yaşıllıq zonalarının suvarılmasında istifadə edilir: "Türkmənistanda su resurslarına xüsusi həssas yanaşılır və bu ənənə şəhərsalma layihələrində də nəzərə alınır. Hazırda şəhərin ikinci tikinti mərhələsində təmizlənmiş tullantı sularının təkrar istifadəsi üzərində iş aparılır. Həmin sular təkcə Arkadağın deyil, yaxın yaşayış məntəqələrinin də suvarılmasında istifadə olunacaq".

O əlavə edib ki, Türkmənistan Mərkəzi Asiyanın ən günəşli ölkələrindən biri kimi alternativ enerji mənbələrinin inkişafı üçün böyük potensiala malikdir: "Ölkədə ildə 240-a qədər günəşli gün müşahidə olunur ki, bu da günəş elektrik stansiyalarının səmərəli istifadəsi üçün əlverişli şərait yaradır. Xüsusilə şəhər mühitində günəş enerjisindən istifadə alternativ enerji siyasətinin əsas istiqamətlərindən biri hesab edilir".

Oxşar xəbərlər

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Leyla Əliyeva "Mənzərəyə açılan ev" mövzusunda qrup sərgisində iştirak edib