Livan dövlətin bərpasına və qanuni institutlarının gücləndirilməsinə töhfə verəcək ABŞ ilə yenilənmiş tərəfdaşlığa ümid edir.

"Far.Az" xəbər verir ki, bunu Livanın Baş naziri Nəvaf Salam Vaşinqtonda ABŞ dövlət katibi Marko Rubio ilə görüşdə bildirib.

Görüş zamanı tərəflər Livanda və regiondakı vəziyyəti, həmçinin ölkənin tam suverenliyinin bərpa olunması prosesini müzakirə ediblər.

N. Salam üçtərəfli mexanizmin praktiki icrasına keçidin, o cümlədən İsrail qoşunlarının Livan ərazisindən tamamilə çıxarılması, dövlət hakimiyyətinin bütün ölkə ərazisinə yayılması və silahların müstəsna olaraq qanuni hakimiyyətin əlində cəmləşməsi üçün dəqiq qrafikin müəyyən edilməsinin zəruriliyini vurğulayıb.

O, həmçinin üçtərəfli razılaşmalarda nəzərdə tutulan öhdəliklərin icrasına nəzarət etmək üçün etibarlı sistemin yaradılmasının vacibliyini qeyd edib.

Baş nazirin sözlərinə görə, bu mexanizm təkcə təhlükəsizlik tədbirlərini deyil, həm də hökumətin yardım göstərilməsi, bərpa və yenidənqurma, habelə köçkünlərin qayıtması üçün şəraitin yaradılması istiqamətindəki səylərinə dəstək verilməsini nəzərdə tutur.

O, ABŞ-nin Livan ordusuna dəstəyinin davam etdirilməsinin və hərbi imkanlarının gücləndirilməsinin vacibliyini də vurğulayıb.

Rubio isə ABŞ-nin Livana və onun dövlət təsisatlarına dəstək verməyə, eləcə də silahlı qüvvələrinə yardımı davam etdirməyə sadiq olduğunu təsdiqləyib. O, sabitliyin və təhlükəsizliyin təmin edilməsi üçün üçtərəfli mexanizmin həyata keçirilməsinin vacibliyini qeyd edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib