"Qapqara" verilişinin budəfəki buraxılışının qonağı Əməkdar mədəniyyət işçisi Rahib Azəri olub.

Atası ilə bağlı xatirələrindən söz açan Rahib Azəri onu itirəndən sonra mənəvi olaraq böyüdüyünü söyləyib:

"Atamı itirdiyim gün böyüdüyümü hiss etdim. Onun ölümündən sonra atamdan qalan bağ evinə gedə bilmirdim. Həmin vaxt 33 yaşım var idi və məhz o gün anladım ki, artıq ailənin böyüyü mənəm. Üzərimdəki məsuliyyət daha da artmışdı".

O həmçinin müasir televiziyaların mövcud vəziyyətini tənqid edib və bəzi aparıcıların peşə etikasına riayət etməməsindən gileylənib:

"Təəssüf ki, bu gün televiziyada danışığı ilə insanları yoran, nitqində heç bir məna və informasiya yükü olmayan aparıcılar var. Aparıcı etikasını qoruyaraq ad çəkmək istəmirəm, amma eləsi var ki, kanalı nə vaxt açırsan, ancaq onun səsini eşidirsən. İnsan özü başa düşməlidir ki, tamaşaçını yorur. Təsəvvür edin, verilişə 3-4 qonaq çağırır, amma efir vaxtının 80 faizində özü danışır, qonaqlara isə cəmi 20 faiz vaxt qalır".

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Bir zamanlar yerli televiziyaların ulduzu olan AZƏRBAYCANLI APARICILAR

Televiziyada nəyə baxırıq? - Proqramların janr bölgüsü açıqlanıb

Azərbaycanlı aparıcıların bitirdiyi universitetlər və ixtisasları - SİYAHI

Leyla Əliyeva Bakı Xoreoqrafiya Akademiyasının qonağı olub