İfrat sağçı siyasətçi və iş adamı Abelardo de la Espriella və Kolumbiyada hakimiyyətdə olan solçu "Tarixi pakt" Partiyasının namizədi İvan Sepeda dövlət başçısı seçkilərinin ikinci turuna yüksəliblər.

"Report"un məlumatına görə, bunu Milli Vətəndaşlıq Vəziyyəti Aktlarının Reyestri Ofisinin saytında dərc olunmuş səslərin 99,62 %-nin hesablanmasından sonrakı nəticələr sübut edir.

Bu məlumatlara əsasən, Espriellaya 43,73 %, Sepedaya isə 40,91 % seçici səs verib. Birinci turda qalib gəlmək üçün lider namizəd seçicilərin mütləq əksəriyyətinin səsini - 50% üstəgəl bir səs toplamalı idi. İkinci tur iyunun 21-də keçiriləcək.

Senator Sepeda ikinci müddətə namizədliyini irəli sürə bilməyən Kolumbiyanın hazırkı prezidenti Qustavo Petronun sosial-iqtisadi kursunun davam etdirilməsinin tərəfdarı kimi çıxış edir. O, əmək sisteminin islahatlaşdırılması və sosial təminatların genişləndirilməsi proqramını davam etdirəcəyinə söz verir. İqtisadiyyat sahəsindəki təkliflər arasında böyük aktivlərə vergilərin tətbiqi və iri şirkətlər üçün güzəştlərin azaldılması yer alır.

De la Espriella isə özünə sistemdən kənar siyasətçi obrazı yaradıb. O öz kampaniyasını cinayətkarlıqla güzəştsiz mübarizə və dövlətin iqtisadiyyata müdaxiləsinin azaldılması ideyaları üzərində qurur. İqtisadi artımı stimullaşdırmaq üçün dövlət xərclərini əhəmiyyətli dərəcədə azaltmaq, ixracı artırmaq və qalıq yanacaq hasilatını genişləndirmək niyyətindədir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib