Pakistanın müxtəlif bölgələrində müşahidə olunan güclü qum fırtınası insan tələfatına və ciddi dağıntılara səbəb olub.

BAKU.WS "Haber Global"a istinadən xəbər verir ki, hadisə nəticəsində biri azyaşlı olmaqla 4 nəfər həyatını itirib, azı 60 nəfər isə müxtəlif dərəcəli xəsarətlər alıb.

Ən çox zərər çəkən ərazilərdən biri olan Sind əyalətinin Gorakh Təpəsi bölgəsində fırtına yaşayış məntəqələrində ciddi fəsadlar törədib.

Güclü külək barakaların damlarını uçurub, ərazidə quraşdırılmış günəş enerjisi panellərinin böyük hissəsi yararsız vəziyyətə düşüb.

Təbiət hadisəsi ölkənin Pəncab əyalətində də ciddi problemlər yaradıb. Rajanpur bölgəsində ağaclar kökündən qopub, reklam lövhələri uçub, elektrik xətləri sıradan çıxıb. Elektrik şəbəkəsində yaranan qəza səbəbindən bir çox yaşayış məntəqəsi işıqsız qalıb.

Bundan əlavə, yüksək gərginlikli elektrik xətlərinin avtomobil yoluna düşməsi nəticəsində ölkənin mühüm nəqliyyat marşrutlarından biri olan M-5 magistralında hərəkət müvəqqəti dayandırılıb.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Su basmış ərazilərdən 20-si azyaşlı olmaqla 84 nəfər təxliyə edilib

Su basmış ərazilərdən 118 nəfər təxliyə edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2