İran parlamentinin sədri Məhəmmədbaqer Qalibaf ABŞ və İsrailə ünvanladığı açıqlamada atəşkəs məsələsinə dair Tehranın mövqeyini bir daha sərt şəkildə ifadə edib.

Far.Az xəbər verir ki, onun "X" sosial şəbəkəsində paylaşdığı bəyanatda qeyd olunub ki, İran əvvəlki dövrlərdə dəfələrlə pozulan atəşkəs razılaşmalarına artıq etibar etmir.

Qalibaf vurğulayıb ki, kağız üzərində əldə olunan razılaşmaların praktikada yerinə yetirilməməsi Tehran üçün qəbuledilməzdir.

Parlament sədrinin sözlərinə görə, ABŞ və İsrail real etimad yaradacaq addımlar atmayana və sülhə sadiqlik nümayiş etdirməyənə qədər İran mümkün pozuntulara qarşı qəti və sərt reaksiya verməyə davam edəcək.

Xatırladaq ki, ABŞ Prezidenti Donald Tramp "Truth Social" platformasında İsrail və İranı hərbi əməliyyatları dərhal dayandırmağa çağırmışdı. Bundan sonra İran tərəfi İsrailə qarşı həyata keçirilən zərbələrin dayandırıldığını açıqlasa da, Livan istiqamətində gərginliyin artacağı təqdirdə yeni addımlar ata biləcəyi barədə xəbərdarlıq edib.

Bununla yanaşı, bölgədə vəziyyət tam sabitləşməyib. İsrail Müdafiə Ordusu Livanın cənubunda "Hizbullah" qruplaşmasına aid olduğu ehtimal edilən hədəflərə qarşı hava əməliyyatları həyata keçirərək altı yaşayış məntəqəsinə aviazərbələr endirib.

Oxşar xəbərlər

"Kağız gətir - kitab apar" sosial-ekoloji layihəsinə start verildi

Bakıda yanğın təhlükəsizliyi pozulan topdansatış mağazası bağlandı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib