Səudiyyə Ərəbistanı İsrailin Livanda həyata keçirdiyi hərbi əməliyyatlara görə ABŞ-yə rəsmi etiraz notası təqdim edib.

BAKU.WS İsrail mediasına istinadən xəbər verir ki, Riyad administrasiyası diplomatik kanallar vasitəsilə ABŞ Prezidenti Donald Trampın rəhbərlik etdiyi administrasiyaya narazılığını çatdırıb.

Məlumata əsasən, Səudiyyə Ərəbistanı İsrailin Livandakı hücumlarını "xaotik və plansız" kimi qiymətləndirib və əməliyyatların regionda gərginliyi artırdığını bildirib.

Riyadın həmçinin İsrail Baş naziri Benyamin Netanyahunun addımlarının Körfəz regionunda münaqişəni genişləndirmə riski yaratdığından və ABŞ–İran dialoquna mənfi təsir göstərə biləcəyindən narahat olduğu qeyd edilir.

Bildirilib ki, Səudiyyə Ərəbistanı Livandakı vəziyyətin gərginləşməsindən narahatdır və diplomatik əlaqələrini aktivləşdirərək müxtəlif Livan siyasi qüvvələri ilə təmaslarını gücləndirib.

Eyni zamanda, İsrail ordusunun Livanda apardığı əməliyyatların son aylarda intensivləşdiyi və bölgədə humanitar vəziyyətin ağırlaşdığı vurğulanır.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev Bakı Enerji Həftəsinin rəsmi açılış mərasimində iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN