Cənubi Koreyada it ətinin istehsalı və satışına qoyulacaq qadağa fonunda bu məhsula alternativ kimi keçi əti ön plana çıxır.

BAKU.WS xəbər verir ki, bu barədə RİA Novosti yerli sakinlərdən birinə istinadən məlumat yayıb.

Mənbənin sözlərinə görə, keçi əti dad baxımından it ətinə ən yaxın məhsullardan hesab olunur. O bildirib ki, xarakterik qoxunun aradan qaldırılması üçün bişirmə zamanı müxtəlif ədviyyatlardan istifadə edilir.

Qeyd olunub ki, ölkə artıq it ətindən sonrakı dövrə hazırlaşır. Bu çərçivədə Cənubi Koreyada qara keçi yetişdirən təsərrüfatların sayı artmaqdadır.

Xatırladaq ki, Cənubi Koreya parlamenti itlərin qida məqsədilə yetişdirilməsi və satışını qadağan edən qanunu qəbul edib. Qanun 2027-ci ildən qüvvəyə minəcək. Həmin tarixdən sonra qadağanı pozan şəxsləri üç ilədək həbs və ya 30 milyon vona qədər cərimə gözləyir.

Rəsmi statistikaya əsasən, ölkədə hazırda minlərlə it ferması, ət emalı müəssisəsi və it əti təqdim edən restoran fəaliyyət göstərir. Bu məhsul uzun illər Koreya mətbəxinin bir hissəsi hesab olunub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ət əvəzinə hamı balıq alır - Bazarda SON QİYMƏTLƏR

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Əmircanda at ətindən qutab satılırmış