Türk Dövlətləri Təşkilatına (TDT) daxil olan ölkələr xarici investorlar üçün ortaq rəqabət standartlarının formalaşdırılması perspektivlərini araşdırırlar.

"Far.Az"un Şuşaya ezam olunmuş əməkdaşı xəbər verir ki, bunu Türk Dövlətləri Təşkilatının Baş katibinin müavini Merey Mukajan "Türk Dövlətləri Təşkilatı ölkələrinin rəqabət qurumları rəhbərlərinin 3-cü iclası və Rəqabət Forumu" çərçivəsində bildirib.

Onun fikrincə, bu məsələ perspektivdə üzərində iş aparıla biləcək əsas istiqamətlərdən birini təşkil edir.

"Türk İnvestisiya Fondunun öz fəaliyyətinə start verməsi investisiya sahəsində əməkdaşlığın keyfiyyətcə yeni pilləyə yüksəldiyini nümayiş etdirir. Fondun 600 milyon ABŞ dolları məbləğində kapitala sahib olması investisiya mühitinin harmonizasiyası ilə əlaqədar müzakirələri daha da aktual edir. Üzv dövlətlərin müxtəlif coğrafi regionlarda yerləşməsi və bir-birindən fərqlənən iqtisadi-hüquqi sistemlərə malik olması nəzərə alınmaqla, bu proses pilləli qaydada reallaşdırıla bilər", - M. Mukajan qeyd edib.

Oxşar xəbərlər

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

İlham Əliyev Türküstanda TDT-nin qeyri-rəsmi Zirvə görüşündə iştirak edib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib