Bakıda daha 7 ünvanda parklanma yerlərinin bir hissəsi ləğv olunaraq tibb müəssisələrinə gələnlər üçün rahat şərait yaradılıb.

"Far.Az" bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.

Məlumata görə, Məzahir Rüstəmov küçəsi, 7 nömrəli şəhər poliklinikasının, Lermontov küçəsi, 22 nömrəli şəhər poliklinikasının, Abay Kunanbayev və Süleyman Sani Axundov küçələrinin kəsişməsi, 25 nömrəli şəhər poliklinikasının, Məmmədəli Şərifli küçəsi, 4 nömrəli Vərəm Əleyhinə Dispanserin, Əhməd Cavad küçəsi, Respublika Kliniki Uroloji Xəstəxasının, Əcəmi Naxçıvani küçəsi, "Medera Hospital"ın, Natiq Əhmədov küçəsi, "Məlhəm Beynəlxalq Hospitalı"nın yanında müvafiq nişanlar yerləşdirilməklə sərnişinlərin taksi və fərdi nəqliyyat vasitələrinə rahat minib-düşməsi təmin edilib.

7 ədəd "3.28" - "durmaq qadağandır" yol nişanı quraşdırılmaqla minib-düşmə yeri və 5 ədəd "5.14" - "minik taksilərinin duracaq yeri" yol nişanı yerləşdirilməklə taksilərin dayanması üçün imkanlar yaradılıb.

Oxşar xəbərlər

Bakında bu ünvanlarda parklanma yerlərinin bəzi hissəsi ləğv edildi - SƏBƏB

Bakıda bu ünvanlarda parklanma yerlərinin bəzisi ləğv edildi - SƏBƏB

Altı tibb müəssisəsinin yanında minib-düşmə yerləri yaradılıb

Leyla Əliyeva Səhiyyə Nazirliyi 5 saylı Uşaq Vərəm Sanatoriyasını ziyarət edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub