Azərbaycan və Çinin Sıçuan əyaləti arasında iqtisadi əməkdaşlığın genişləndirilməsi və müxtəlif sahələr üzrə potensial tərəfdaşlıq imkanları müzakirə olunub.

Bu barədə "Report"a İxracın və İnvestisiyaların Təşviqi Agentliyindən (AZPROMO) məlumat verilib.

Bildirilib ki, bu barədə müzakirələr AZPROMO-nun icraçı direktoru Yusif Abdullayev və Çin Beynəlxalq Ticarətin Təşviqi Şurasının (CCPIT) Sıçuan Əyalət Komitəsinin nümayəndə heyəti ilə keçirilən görüşdə aparılıb.

Görüşdə Y.Abdullayev Agentliyin fəaliyyət istiqamətləri, ixracın və investisiyaların təşviqi mexanizmləri barədə danışıb.

CCPIT-nin Sıçuan Şurasının və Siçuan Beynəlxalq Ticarət Palatasının prezidenti xanım Lyu Furonq təmsil etdiyi qurumun fəaliyyəti, Sıçuan əyalətinin iqtisadi potensialı və beynəlxalq əməkdaşlıq istiqamətləri barədə məlumat verib.

Görüş zamanı "yaşıl enerji", qida, içki və kənd təsərrüfatı sənayesi, logistika və təhsil sahələrində potensial əməkdaşlıq perspektivləri müzakirə olunub. Qarşı tərəf Azərbaycanı cari ildə Sıçuanda keçiriləcək beynəlxalq sərgi və tədbirlərdə iştirak etməyə, həmçinin sənaye parklarının fəaliyyəti ilə tanış olmağa dəvət edib.

Bu müstəvidə, birgə sənaye parklarının yaradılması sahəsində təcrübə mübadiləsi, eləcə də insan kapitalının inkişafı və sözügedən istiqamət üzrə təlimlərin təşkili məsələləri ətrafında fikir mübadiləsi aparılıb.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

İlham Əliyev ABŞ Ticarət Palatasının nümayəndə heyətini qəbul edib