Rusiyanın Ukraynanın dəniz limanlarına endirdiyi hücumların ölkənin iqtisadiyyatına və qlobal taxıl bazarına mənfi təsir göstərə biləcəyi bildirilir.

Far.Az xəbər verir ki, bu barədə "Reuters" agentliyi məlumat yayıb.

Məlumata görə, limanlara, gəmilərə, dəmir yolu və enerji infrastrukturuna hücumların intensivləşməsi nəticəsində Ukraynanın Odessa limanından aylıq ixrac həcminin 6 milyon tondan 4 milyon tona düşəcəyi gözlənilir. Bu barədə Ukrayna iqtisadiyyat nazirinin müavini Taras Vısotski bildirib.

Qeyd olunur ki, Ukraynanın ixracının 90 faizdən çoxu Qara dəniz limanları vasitəsilə həyata keçirilir. Yüklərin alternativ marşrutlara yönəldilməsi isə həm məhdud imkanlara malikdir, həm də logistik xərcləri artırır.

Agentliyin məlumatına əsasən, müharibə başlayandan bəri liman terminallarına dəyən zərərin həcmi 1,5 milyard ABŞ dollarına çatıb. Gəmilərə hücumların artması da daşınma xərclərini yüksəldir və gəmi sahiblərinin Ukrayna limanlarından istifadəsini məhdudlaşdırır.

"Reuters" qeyd edir ki, bu vəziyyət Ukraynanın valyuta gəlirlərinə mənfi təsir göstərməklə yanaşı, dünya taxıl bazarında da müəyyən risklər yarada bilər.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN