DOST modelinin yaradılması Azərbaycanda sosial xidmətlərin təqdim edilmə formatını kökündən dəyişib.

"Far.Az" xəbər verir ki, bunu əmək və əhalinin sosial müdafiəsi nazirinin müavini Hidayət Abdullayev Bakıda keçirilən İslam İnkişaf Bankı (IsDB) Qrupunun 51-ci İllik Toplantıları çərçivəsində təşkil olunmuş panel müzakirələrində bildirib.

O bildirib ki, son illərdə Azərbaycan vətəndaşların həyat səviyyəsinin yüksəldilməsinə, sosial təminatın əhatə dairəsinin genişləndirilməsinə, həmçinin innovativ həllər və rəqəmsallaşma yolu ilə dövlət xidmətlərinin transformasiyasına istiqamətlənmiş geniş sosial islahat proqramını reallaşdırıb: "Bu transformasiyanın əsas elementlərindən biri sosial xidmətlərin təqdim olunma qaydalarını kökündən dəyişən DOST modelinin yaradılması olub. Məşğulluq, sosial müdafiə, əlillik, reabilitasiya və əməklə əlaqəli xidmətləri vahid mərkəzdə cəmləşdirməklə, DOST dövlət xidmətlərinin göstərilməsində vətəndaşyönümlü, effektiv və şəffaf yanaşmanı tətbiq edib".

H. Abdullayevin sözlərinə əsasən, bu gün Azərbaycanın ambisiyası xidmət göstərilməsinin özündən daha geniş miqyas alıb: "Sosial problemlər getdikcə daha mürəkkəbləşdikcə, ölkələrin daha güclü analitik potensialına, rəqəmsal texnologiyaların daha səmərəli tətbiqinə, bilik paylaşımı və siyasət innovasiyası üçün daha təsirli mexanizmlərə ehtiyacı yaranır. Məhz bu səbəbdən DOST Mükəmməllik Mərkəzinin təsis edilməsi təşəbbüsü həm vaxtında həyata keçirilən, həm də son dərəcə əhəmiyyətli bir addımdır. Mərkəz tədqiqat, innovasiya, potensialın gücləndirilməsi və beynəlxalq əməkdaşlıq platforması qismində nəzərdə tutulub. O, praktiki təcrübənin tətbiqi biliyə çevrilməsinə dəstək verəcək, ölkələr və regionlar arasında uğurlu sosial siyasət həllərinin mübadiləsini təşviq edəcək".

Nazir müavini İslam İnkişaf Bankı Qrupunun üzv dövlətləri arasında daha möhkəm əməkdaşlığın daha dayanıqlı, inklüziv və gələcəyə uyğun sosial müdafiə sistemlərinin qurulmasına mühüm töhfə verə biləcəyinə əminliyini ifadə edib: "İnanıram ki, bu günkü müzakirələr dəyərli ideyalar və tərəfdaşlıq imkanları ortaya qoyacaq".

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Bu ilin ilk rübündə Qəbələdə 1381 uşağa reabilitasiya xidmətləri göstərilib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib