Yəmən Nümayəndələr Palatasının sədri Sultan Səid Əlbarkani göstərilən mənəvi və humanitar yardımlara görə Azərbaycana təşəkkür edib.

"Report" xəbər verir ki, o, bu barədə Milli Məclisin sədri Sahibə Qafarova ilə görüşü zamanı bildirib.

Sultan Səid Əlbarkani ölkəsinin Azərbaycanla münasibətlərin inkişafında maraqlı olduğunu və burada gördükləri inkişafdan məmnunluğunu bildirib.

Yəmən Nümayəndələr Palatasının sədri iki ölkənin müxtəlif sahələrdə əməkdaşlığı, o cümlədən parlamentlər arasında münasibətlərin inkişaf perspektivləri barədə fikirlərini bölüşüb.

Eyni zamanda görüşdə iki ölkə arasında münasibətlərin dərinləşməsində parlamentlərarası əməkdaşlığın özünəməxsus rolu diqqətə çatdırılıb. Bildirilib ki, hər iki ölkənin qanunverici orqanında qarşılıqlı dostluq qruplarının yaradılması münasibətlərin inkişafına böyük töhfə olardı.

Qeyd edək ki, Yəmən parlamentinin sədri İslam Əməkdaşlıq Təşkilatı Parlament İttifaqı Konfransının 20-ci sessiyasında qatılmaq məqsədilə Azərbaycana səfərə gəlib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Sahibə Qafarova BƏƏ-dən olan həmkarı ilə parlamentlərarası əlaqələri müzakirə edib

Sahibə Qafarova Slovakiya Milli Şurasının sədri ilə görüşüb

WUF13-ün beşinci günündən maraqlı anlar - FOTOREPORTAJ